LICIA AMARI
Autrice della poesia è Licia Amari i due frati (fratacchiuna)
sarebbero: Mimmo Triveri (anonimo ingegnere)
e Salvatore Maurici – Disegno d Pino Terracchio
Frati Minicu e Frati Turiddu
di la Sammuca,
nni ficiru abituari
a nna bedda piega.
.
Cu li versi chi ogni jornu
declamanu ‘ndialettu
nni fannu susiri cuntenti
di lu lettu.
.
Lu ritrattu, poi,
chi ci fici lu pitturi Tirracchiu
mi fici arricriari l’occhiu
picchi li dui
su propriu sumiglianti
e parinu filici e puru cuntenti.
.
Su cuntenti di sarvari
lu dialettu
‘ntissennu ogni jornu qualchi “dittu”
e puru si natri nun nni l’amu ‘mparatu
sugnu sicura chi tutti l’hannu caputu.
.
Picchì, li versi chi si scrivinu di cori,
vennu caputi da tutti li cristiani,
chi siano vecchi oppuru picciriddi
pi ssì versi ama a ringraziari sulu a iddi.
.
Perciò Minicu e Turiddu
sintiti a mia
cuntinuati a diliziariini
cu la vostra puisia.
Licia Amari
.
